Tag Archives: Македонија

АСО: Уника Лајф единствена компанија без судски спор во првите три квартали

Агенцијата за супервизија на осигурување ги објави извештаите за работењето во првите три квартали на друштвата за застапување во осигурување, осигурително брокерските друштва и осигурителните друштва.

Осигурителните компании во Македонија во првите три квартала полисирале бруто премија од  6.799.774.000, од кои 5.851.861.000 денари се за неживотно осигурување, а останатите 947.913.000 денари се за животно осигурување. Најголема БПП помеѓу сите компании има Триглав со 1.026.701.000, пред Осигурување Македонија со 700.596.000 денари и Еуролинк 680.547.000 денари.

Од компаниите кои нудат животно осигурување, водечка и понатаму водечка е Кроација живот со БПП од 404.306.000 денари, пред Граве 338.243.000, Винер 90.505.000 и Уника 54.406.000 денари. На традиционални полиси за осигурување на живот полисирана е бруто премија од 882.383.000 денари, додека на полиси каде инвестицискиот ризик е на товар на осигуреникот (unit-link) полисирана е бруто премија од 65.530.000 денари.

Бруто исплатената штета изнесува 2.438.719.000 денари. Вкупно на полиси од неживотно осигурување исплатени се 2.274.400.000 денари, а најмногу БИШ е регистрирана кај Триглав 422.925.000 денари. Во секторот живот исплатена е бруто штета од 163.921.000 денари, а најмногу исплатил Граве 75.985.000 денари. Вкупниот број на ликвидирани штети изнесува 41.433. Уника Лајф е единствената компанија која немала судски спор како резултат на нерешени штети.  Кроација живот и Граве имаат 4 судски процеси, додека Винер Лајф има два. Судските разрешници на спорови околу отштета се покарактеристични за неживтонто осигурување. Од тука и не чуди тоа што нема компанија од овој сектор со помалку од 100 судски процеси.

Сите компании располагаат со капитал кој гарантира сигурно работење и е далеку над границата на солвентност.  Кај повеќето компании капиталот е три пати поголем од маргината на солвентност, а кај некои оди и преку 10 пати (Уника Лајф 13,61, Осигурување Македонија 10,4).

АСО: Во првите три квартали НЛБ и Актива со најмногу склучени договори помеѓу застапниците

Агенцијата за супервизија на осигурување ги објави извештаите за работењето во првите три квартали на друштвата за застапување во осигурување, осигурително брокерските друштва и осигурителните друштва.

Друштвата за застапување до крајот на септември склучиле вкупно 109.171 број на договори. Во оваа група активни се единаесет друштва за застапување во осигурување и три банки со лиценца за нудење на осигурување. Кај банките најмногу полиси, 42.200, се склучени преку НЛБ банка од кои 35.879 се за неживотно осигурување преку Сава, а 6.321 се полиси за осигурување на живот на Кроација живот. Шпаркасе банка има склучени 383 договори, сите за осигурување на живот. Како и во претходните два квартала Охридска банка нема склучено договор. БПП на полисите на НЛБ е 22.114.000 денари за неживотно осигурување и 69.226.000 за животно осигурување, додека полисите склучени преку Шпаркасе имаат БПП од 15.788.000 денари.

Кај останатите единаесет друштва за застапување најголем број на договори се направени преку Актива, 18.542, од кои само 4 се полиси за животно осигурување. Блиску до нив се Тренд МР со 17.135 договори (12 живот), а петцифрени се уште и Лајон Инс со 11.797 договори (27 живот) и Реа Иншуранс груп со 10.385 деоговори (0 живот).

Кај друштвата кои продаваат исклучиво животно осигурување водечко е Сафе Лифе со 834 склучени полиси со БПП од 57.612.000 денари. По нив следи Фемили партнер со 202 договори и БПП 40.005.000 денари, и Л.И.Ф.Е со 32 договори и БПП од 308.000 денари.

АСО: По три квартали Седа брокер со најголем број на договори, ВФП со најголема БПП

Агенцијата за супервизија на осигурување ги објави извештаите за работењето во првите три квартали на друштвата за застапување во осигурување, осигурително брокерските друштва и осигурителните друштва.

Триесет и петте осигурително брокерски друштва во првите девет месеци склучиле вкупно 216.069  број на договор, од кои 2.429 се полиси за осигурување на живот.

Како и во претходните два квартала водечко друштво според број на договори водечка друптво е Седа брокер со вкупно 39.978 склучени полиси, сите за неживотно осигурување. Уште едно друштво има направено преку 30.000 договори, а тоа е Мобилити со вкупно 31.660 договори, од кои само еден е полиса за осигурување на живот. И треторангираните СН Осигурителен Брокер имаат само една полиса за живот од вкупните 16.862 договра. ВФП, кои се на четврто место според ова рангирање, се единственото осигурително брокерско друштво кои активно продава полиси за животно осигурување и од вкупно склучените 13.756 полиси, 2.318 се осигурување на живот. Токму ова ова ВФП ја прави водечка според БПП со вкупно 521.924.000 денари, далеку пред Ин брокер 218.222.000 денари, Седа брокер 200.387.000 денари.

Брокерите најмногу полиси за неживотно осигурување склучиле преку Кроација 24.444 и Евроинс 24.062, додека за животно осигурување Винер Живот полисирал 1.178 полиси направени преку овие друштва.

Сава Ре го купи НЛБ Нов пензиски фонд

Сава Ре е купувач на 100% од сопственоста на акциите на НЛБ Нов пензиски фонд АД Скопје. Пензиското друштво, НЛБ Нов пензиски фонд АД Скопје, кое има дозвола за управување со средствата на два пензиски фонда во Македонија (Отворен задолжителен пензиски фонд НЛБ Пензиски фонд и Отворен доброволен пензиски фонд НЛБ Пензија плус). Продажбата на Друштвото е високо регулиран процес кој подлежи на претходна согласност од страна на Агенцијата за супервизија на капитално финансирано пензиско осигурување (МАПАС), што значи дека купопродажбата ќе се реализира откако новиот инвеститор ќе добие согласност од Агенцијата.

Процесот за продажба на Друштвото беше организиран и раководен од НЛБ д.д. Љубљана, во рамките на Одделот за корпоративни финансии. Тој беше спроведен отворено, а НЛБ Групацијата посвети големо внимание потенцијалните инвеститори да ги исполнуваат пропишаните законски услови за основање на Друштво за управување со задолжителни и доброволни пензиски фондови.

 

ПОТПИШАНА СПОГОДБА ЗА ЗАШТИТА НА ПОСЕТИТЕЛИ СО АЛБАНСКОТО БИРО ЗА ОСИГУРУВАЊЕ

Спогодбата за заштита на посетителикоја на 08.11.2017г., беше потпишана помеѓу Националнобиро за осигурување на Р.Македонија и Албанско биро за осигурувањестапува на сила на15.11.2017 г., им овозможува на возачите од двете држави побрз и поефикасен  надомест на штетаво случај на евентуални сообраќајни незгоди.

Со Спогодбата е предвидено оштетеното лицекое претрпело штета на територијата на другатадржавапо враќање во матичната државада се обрати во своето Национално биро за осигурувањекое во  соработка со Бирото на државата во која се случила незгодатаќе овозможи побрзо собирањена документи и информации потребни за  остварување на правата за надомест на штета.

КонкретноБирото за зелена карта од државата од која е оштетенотолицеќе достави до Бирото надржавата на настанување на незгодатабарање да се:

  • изврши идентификација на осигурителното друштво на    причинителот на штета;
  • изврши идентификација на возачот или сопственикот на возилото напричинителот на штетадоколку во период од 6 недели не   било можно да се утврди осигурувачот;
  • да се обезбедат документи кои се неопходни или помагаат во  остварување на правото на надомест (на прполициски записник)
  • да се достават деталји за Гарантниот фонд на земјата каде што се случила незгодата сосекогашкога е тоа можнообјаснувања и   корисни информации.

Спогодбата за заштита на посетители е така креирана да им пружи  на државите надвор од ЕУможност да обезбедат дополнителна  заштита и помош на своите граѓани кои со моторни возила патуваат на територија на други државиСпогодбата се потпира на    најдобрите одредби од 4-та и                                                          5та Директива за моторни возила на ЕУкои се впрочем познати   по тоа што сево најголема мерапосветени на заштита на трети   оштетени лицаСе смета дека овој механизам е најблизок модел којпостои за државите на ЕУ и дека потпишувањето на овој документ е добар начин државите кои сенадвор од ЕУ да се подготват за    пристап кон Унијатаво делот на прекуграничниот сообраќај намоторни возила.

Потпишаната Спогодба претставува големо олеснување за возачите од двете државибидејќи веќенема да мораат да ги нарушуваат или одлагаат своите деловни или туристички плановиза да ја наплатат штетатаВо иднинатие ќе можат правото на надомест да го  остварат и по враќањето воматичната државасо помош и  асистенција на националните бироаПокрај тоа што претставува  исчекор во заштитата на граѓаниосигурителните друштва и  возачитеСпогодбата дополнително ќеја унапреди и соработката  помеѓу двете државипреку унапредување на транзитоттуризмот ипрометот помеѓу Р.Македонија и Р.Албанија.

Спогодбата ја потпиша генералниот директор на Националното  биро за осигурување на РМакедонија,                                          Мр Трајче Латиновски и в.ддиректорот на Албанското биро за  осигурувањегн Кевин Леши.

Спогодба за заштита на посетители Националното биро за осигурување на Р.Македонија имаистотакапотпишано и со Националните бироа на РГрцијаТурцијаШвајцаријаБиХЦрна ГораЛуксембургСрбијаХрватскаБугарија и Словенија.

Заваровалница Триглав: Во првите девет месеци зголемена БПП и намалена нето добивка

Заваровалница Триглав во првите девет месеци остварила нето добивка од €52,3 милиони, што е намалување во однос на ланскиот профит во првите три квартала од €53,6 милиони.

Вкупната БПП на ниво на групација е зголемена за 8,0% во однос на истата на крајот од септемрви минатата година и изнесува €777,1 милиони. Оваа премија е остварена преку осигурување, реосигурување и соосигурување. Андреј Слапар, претседателот на бордот на директори вели дека „во првите девет месеци од 2017 година, не само што групацијата работеше профитабилно, туку бепе и финансиски силна што е потврдено и со кредитните рејтинзи“.

БПП во сегментот на осигурување бележи раст во сите три сектора. Кај неживотното осигурување растот е 8% со кои е достигната БПП од €517,5 милиони. Животното осигурување е зголемено за 3% на €163,0 милиони, додека БПП кај доброволното здраствено осигурување е во пораст од 14% и изнесува €96,5 милиони. 76,8% од вкупната премија на ниво на групација е направена во Словенија, 17,8% надвор од домашниот осигурителен пазар, додека светската реосигурителна премија има удел од 5,4% во вкупната БПП.

На словенечкиот пазар БПП е во пораст од 7% и изнесува €596,6 милиони. На останатите пазари, 11% пораст е регистриран во Хрватска (€43,4 милиони), 29% во Србија (€33,6 милиони), 3% во Црна Гора (€23,7 милиони), 6% во БиХ (€21,0 милиони), 1% во Македонија (€16,7 милиони) и 11% на светските пазари (€42,1 милиони).

Животното осигурување со раст на БПП од 14,88%

Националното биро за осигурување неодамна ги објави „Поважни показатели од статиситчките извештаи во третиот квартал 2017 година“. Од презентираните податоци може да се види дека вкупната БПП за првите три квартали изнесува 6,8 милијарди денари, што е раст од 2,66% во однос на истиот период лани. Гледано по сектори, неживотното осигурување бележи раст на БПП од 0,92% и на крајот од септември изнесува 5,85 милијарди. На полисите за животно осигурување полисирана е бруто премија од 0,95 милијарди, што е за 14,88% повеќе во однос на првите три тромесечија од 2016 година.

Компаниите во овие три квартали исплатиле за 7,1% помалку бруто штета. Осигурителните компании кои нудат полиси за неживотно осигурување исплатиле 2,27 милијарди денари, што е 8,38% помалку во однос на минатогодишните први три квартали. Преку полиси за животно осигурување исплатена е бруто штета за 15,28% повеќе споредено со истиот период од минатата година, вкупно 0,16 милијарди денари.

Помеѓу друштвата за неживотно осигурување водечка компанија според уделот на пазарот и понатаму е Триглав осигурување со 17,54% (2016: 17,52%), пред Осигурување Македонија со 11,97% (2016: 12,98%) и Еуролинк со 11,63% (2016: 11,13%). И кај четирите компании кои нудат полиси за животно осигурување нема промена во рангирањето според застапеноста на пазарот. Кроација останува водечка и заедно со Винер и Уника имаат минимален раст во уделот, за сметка на Граве кој губи речиси 2% од пазарот.

На полисите за осигуравење од АО има полисирана е за 5,24% поголема бруто премија, но исто така е исплатена и за 13,78% поголема бруто штета. Осигурувањето на имот, како второ најголемо осигурување соиред БПП, има тенденција на опаѓање и кај бруто полисираната премија (-10,01%) и кај исплатената штета (-2,83%).

Кај сите компании се забележува варијација на техничките резерви. Најголем раст од 22,31% има кај Еуросиг, додека најмногу се намалени на Винер (-6,42%).

И во третиот квартал продолжува овогодинешната тенденција да се зголемува бројот на полиси склучени преку канали за директна продажба. На крајот од септември 56,62% од полисите се склучени преку овој канал (2016: 5008%). Овој раст е најмногу за сметка на застапниците во осигурување и друштвата за застапување каде намалувањето е 6,54% и 0,92% соодветно.

Триглав осигурување со раст на добивката од 24% во првите три квартали

Триглав осигурување преку Македонска берза го објави својот неревидиран баланс на работење за првите три квартала од годината. Осигурителното друштво во првите девет месеци остварило добивка по оданочување во висина од 73,4 милиони денари. Ова претставува раст од 24% во однос на истиот период лани.

Приходите од работењето на крајот од септември изнесувале 904 милиони денари, што е минимално намалување во однос на ланските 907 милиони на крајот од деветтиот месец. Во прилог на позитивното работење на компанијата одат и намалените расходи, кои оваа година изнесуваат 830,6 милиони денари, додека лани за истиот период Триглав имал расходи од 847,8 милиони денари.

Компанијата полисирала вкупно 1,026 милијарди бруто премија, што е минимално зголемување во однос на минотогодишната БПП од првите девет месеци во висина од 1,016 милијарди денари. Пораст има и кај бруто исплатените штети. Во периодот од јануари до крајот на септември, компанијата исплатила вкупно 422,9 милиони денари, додека за истиот период лани оваа бројка изнесувала 361,7 милиони денари.

Триглав неодамна основаше и втора своја осигурителна компанија во Македонија со која ќе се вклучи на пазарот на животното осигурување.

 

Пазарот за осигурување на живот во Македонија побогат за уште една компанија

Иако се работи за релативно мал пазар, неговото созревањето и континуираниот двоцифрен раст, македонскиот пазар за животно осигурување станува сѐ попримамлив за компаниите. На „староседелците“, Уника, Кроација, Граве и Винер, од први ноември им се приклучи уште една компанија, Триглав Осигурување Живот А.Д.

Во продолжение во целост може да ја прочитате објавата на Македонска берза, преку која се информира јавноста за почетокот на работата на новото друштво за осигурување:

„По пензиското осигурување во Босна и Херцеговина, Групација Триглав отвора нова компанија за осигурување на живот во Македонија

По овогодинешниот влез на пазарот за пензиско осигурување во Босна и Херцеговина, Групацијата Триглав во Македонија започнува со работа во сегментот осигурување на живот, со отворање на нова компанија, Триглав Осигурување Живот АД, Скопје. Водечката финансиско-осигурителна групација во овој дел од Европа е присутна на македонскиот пазар од 2007-ма година и ја има лидерската позиција во доменот на неживотно осигурување, со удел на пазарот од 18%. Зацврстувањето на позицијата во регионот и фокусот на развивање на осигурување на живот, здравствено и пензиско осигурување на пазарите каде што Групацијата е присутна, се во согласност со стратешките планови до 2020 година.

Групацијата Триглав, на почетокот на ноември оваа година, во Македонија, влегува на пазарот за осигурување на живот. Брендот Триглав во Македoнија е присутен од 2007-ма година, во секторот на неживотно осигурување, каде што ја има водечката позиција на пазарот, со удел од 18%. Групацијата го проширува работењето и во сегментот на осигурување на живот, каде што гледа потенцијал за раст поради ниската пенетрација на овој вид на осигурување. Дополнително, се очекуваат предизвици согласно условите на пазарот, бидејќи овој осигурителен сегмент е тесно поврзан со социо-економската ситуација во земјата. Во моментов, во прилично конкурентни услови на пазарот, оперираат четири компании за осигурување на живот. Групацијата Триглав ќе настапи на пазарот со своите конкурентски предности, особено со својот силен, доверлив и висококвалитетен производ и соодветна експертиза. Групацијата ќе оперира во овој сегмент од осигурителниот пазар преку новата осигурителна компанија Триглав Осигурување Живот АД, Скопје, во согласност со локалната легислатива. Согласно стратегијата на Групацијата Триглав за периодот 2017-2020, водечката регионална осигурително-финансиска групација, ги одреди насоките за своите операции, во чијшто фокус се двата столба на Групацијата: осигурување и управување со средства. Како што беше најавено, во контекст на нејзините осигурителни операции, Групацијата Триглав планира да продолжи да ги развива пазарите и примарно да инвестира во сегментите на осигурување кај кои што се очекуваат високи стапки на раст, кои што ги вклучуваат сегментот на осигурување на живот, како и здравственото и пензиското осигурување.“

АСО: Резултати од работењето на брокерските и друштвата за застапување заклучно со вториот квартал

Заклучно со вториот квартал, единаесетте друштва за застапување и трите банки со овластени за банкоосигурување, направиле вкупно 75.672 договора за неживотно и 5.518 договори за животно осигурување. Помеѓу застапниците најмногу договори (17.380) се направени преку Актива, од кои само три се за животно осигурување. На второ место се Тренд МР со 15.928 (7 животно осигурување) и Реа Иншуранс груп со 8.145 продадени полиси. Најмногу договори за животно осигурување се склучени преку застапничката куќа Сафе Лифе (436), селдена од Фемили партнер (136) и Лајф Визион (105). Најуспешна банка според бројот на продадени полиси е НЛБ Тутунска. Зад името на Охридска банка и во вториот квартал нема регистрирано продадена полиса. Врз основа на вториот критериум за рангирање, БПП, претходното рангирање нема да претрпретрпи значителни измени. Најголема БПП носат полисите направени преку Актива и Тренд МР. Застапничките друптва и банките, најмногу договори за неживотно осигурување направиле преку Осигурување Македонија, а за животно осигурување преку Кроација Живот.

Кај брокерските друштва, најмногу полиси се направени преку Седа Брокер, вкупно 24.276, сите во неживотно осигурување. Петцифрен број на договори, 17.513, се склучени преку посредништво на само уште едно брокерско друштво, Мобилити. Најблиску до нив е СН Осигурителен Брокер со 8.755 полиси. Помеѓу брокерските друштва едиснтвено ВФП работи активно и на пазарот за животно осигурување, завршувајќи го вториот квартал со вкупно 7.639 договори, од кои 1571 се полиси за животно осигурување. Токму овие договори го прават брокерско друштво со најголема БПП, пред Седа и СН Осигурителен Брокер. Брокерите најчесто нуделе полиси за неживотно осигурување на Триглав осигурување, 21.180, пред Кроација неживот (13.485) и Евроинс 12.673. ВФП најмногу договори за животно осигурување склучиле преку Винер лајф.

Податоците се преземени од страната на АСО.