Tag Archives: Бугарија

Еуроинс го зголеми својот удел во Синтетика

Од Синтетика, холдинг компанија со седиште во Софија, соопштија дека Еуроинс го зголемил учеството во компанијата на 13,63%. Основна дејност на Синтетика е уптевување со индустриски компании, но исто така се занимава и со консултантски услуги, посредување, тргување и т.н. По последната извршена трансакција, Еуроинс располага со 215,038 акции. Ова е втор пат во последните четири месеци Еуроинс да купува акции од Синтетика, откако во октомври минатата година го покачи својот удел на 7,01%.

На крајот од 2017 година, вредноста на акциите на Синтетика изнесуваше 21,5.

Еуронс издаде 16 милиони акции

Бугарската осигурителна компанија Еуроинс издаде соопштение во кое се наведува дека капиталот на компанијата е речиси удвоен. Растот на капиталот од €8,42 милиони на €16,6 милиони е постигнат преку издавање на 16 милиони нови акции по цена од €0,51, колку што е и нивната пазарна вредност. Ова следи откако неодамна Бугарската комисија за финансиски надзор соопшти дека поради неисполнување на минималните капитални побарувања, одбила да испрати информација на полската регулаторно тело за надзор на финансиското работење, кое е поврзано со намерите на Еуроинс да започне со работа на полскиот осигурителен пазар.

Бугарија: Одземена лиценцата на Тумико

Бугарската комисија за финансиски надзор ја суспендираше лиценцата на Тумико, осигурителна компанија за животно осигурување. Суспензијата се однесува на сите класи за животно осигурување со што на компанијата ѝ се забранува да склучува нови договори во следните шест месеци.

Одлуката за суспензија следува откако компанијата не успеа да го обезбеди минималниот неопходен капитал  и нема капитална гаранција за солвентност. Во исто време Комисијата забрани распродажба на имотот сѐ додека не стапи на сила постапката за ликвидација или прогласување на банкрот.

Според последните податоци објавени од Комисијата, на средината од 2017 година, Тумико беше шеста по големина осигурителна компанија во Бугарија, со БПП од 8,35 милиони, удел на пазарот од 6,9%. Нејзиното портфолио најмногу го сочинуваат полиси од ризико животно осигурување и пензиско осигурување.

По престанокот со работа на Атлас лајф, ова е втора компанија од регионот која згаснува. И во двата случаи договорувачите, осигурениците и корисниците на осигурувањето нема да претрпат загуби, затоа што портфолијата на затворените компании ги презема друга осигурителна куќа.

SEENEWS: Заваровалница Триглав е водечка осигурителна компанија во Југоисточна Европа

„Осигурителната индустрија во земјите од Југоисточна Европа (земјите од поранешна Југославија, Бугарија, Романија, Албанија и Молдавија)  остануваат еластични на притисокот кој произлегува од постојаните ниски каматни стапки, финансиската непостојаност на пазарите, строгите побарувања од регулативите и домграфските промени.“ Ова се наведува во годинешниот извештај на стоте најуспешни компании во земјите до Југоисточна Европа издаден од реномираниот портал seenews.com.

Не само што осигурителните компании одлично се справуваат со предизвиците кои ги носат пазарите и финансиското опкружување, туку стоте најголеми осигурувачи од овој регион,  2016 година ја завршиле со најголема вкупна бруто полисирана премија (БПП ) од 7,2 милијарди (2016: 6,77 милијарди) и најголема вкупна заработка. Процентот на раст на БПП е најголем во последните осум години (6,3%), додека профитот е зголемен за 56% од 365 милиони (2015: 234 милиони). Растот на профитот е проследен со податок дека 89 компании работеле со профит.

Осигурителниот пазар во Романија и Србија забележа двоцифрен раст на растот на премиите и значително подобрување на профитот, додека во Албанија беа забележани натпросечни резултати. Романија е и најголем осигурителен пазар и осигурителните компании од оваа земја се главно концентрирани на домашниот пазар за разлика од вториот по големина, словенечкиот, каде компаниите имаат свои испостави во речиси сите земји од поранешна Југославија. На третото место според годинешниот извештај е Хрватска.

Заваровалница Триглав останува на првото место и во 2016 година со премии и профит далеку пред останатите осигрувачи предводени од Заваровалница Сава. Вториот словенечки осигурувач, иако има намалување на профитот за 16%, сепак  напредуваше три позиции поради растот на БПП за 1,5%. Ова е десетта година по ред како листата е предводена од словенечки осигурувач. Третото место припаѓа на Кроација осигурување, која го изгуби второто место проади падот на БПП за 1,1%. Најголем скок оствари бугарскиот осигурувач Дал Бог Живот и Здраве, кој се искачи за 44 места на 48 позиција. Најголемиот губитник исто така доаѓа од Бугарија, ДЗИ Лајф Иншуранс, чие овогодишно рангирање е за 24 места полошо во однос на ланското.

Од македонските осигурувачи најдобро рангиран е Триглав осигурување на 71 позиција (2016:72 позиција), пред Осигурување Македонија (2017: 82, 2016: 86) и Еуролинк (2017: 88, 2016: 89).

Еуроинс не планира тргување со нејзините акции во иднина

Еуроинс, ќерка фирма на финансиската групација Еурохолд, издаде соопштение во кои се објавува дека компанијата планира да излезе од листата компании со чии акции може да се тргува на Бугарската берза. Компанијата на вонредното Собрание, кое е закажано за втори октомври, ќе ги замоли акционерите да гласаат потврдно за предлогот нивните акции да не се тргуваат.

Еуроинс има регистриран капитал во вредност од €8,4 милиони, распределен на 16,5 милиони акции, што прави нивната номинална вредност да биде 1 лев.

 

Македонија: Уника Лајф со 17% поголема премија на крајот од вториот квартал

Уника Лајф, благодарение на зајакнатата продажна мрежа, и вториот квартал го заврши со двоцифрено зголемување на БПП. Полисираната премија изнесува €600.000, што е за 17% повеќе од првото полугодие од 2016 година. Сестринската компанија, Уника А.Д., која се занимава само со продажба на полиси за неживотно осигурување, бележи пад од 3% на БПП, завршувајќи го кварталот со €5,9 милиони. Благодарение на растот на секторот од животно осигурување, повторена е добивката од крајот на јуни 2016 година, иако вкупната премија на Уника групацијата во Македонија е намалена за 1%.

Во соседна Србија Уника групацијата има една од најдобрите десет компании во Европа, која во вториот квартал на групацијата ѝ донесе профит пред оданочување од €700.000 (2016: €800.000) и вкупна БПП од €21,9 милиони, 1% помалку во однос на првите шест месеци од 2016 година. €12,4 милиони припаѓаат на секторот неживот, кој бележи 2% раст на БПП, додека секторот на животно осигурување бележи пад на премијата од 5%, достигнувајќи €7 милиони. Одделот за доброволно здраствено осигурување полисирало бруто премија од €2,5 милиони.

Заживувањето на косовскиот пазар се препознава и во резултатиtе на Уника групацијата во оваа земја. Минатогодишната загуба од €700.000, кои двете косовски компании ја направија во првите два квартала, оваа година е корегирана во добивка пред оданочување од €600.000. Дел од заслугите се во зголемената БПП од 7% за неживотно осигурување на Сигал Уника (€3,7 милиони) и растот од 20% на БПП на Сигал Уника Лајф (€400.000). Доброволното здраствено осигурување, кое е попопуларно од животното осигурување во Косово, бележи пад од 31%, завршувајќи го вториот квартал со премија од €1,4 милиони.

Уника преку Сигал брендот, е присутна и на пазарот во соседна Албанија, каде вкупната БПП е зголемена за 16%, достигнувајќи €17,1 милиони. Двата главни сектора бележат раст на премијата. Нежвотното со полисираните €13,2 милиони има зголемување од 17%, додека животното осигурување има раст од 28%, остварувајќи БПП од €2,8 милиони. Доброволното здраствено осигурување е намалено за 14%, на €1,1 милион. Трите компании на овој пазар, кои се претставници на групацијата, оствариле добивка пред оданочување од €1,3 милиони (2016: €2,3 милиони).

Од соседните земји, Уника групацијата е присутна и на пазарот во Бугарија, каде на крајот од вториот квартал остварила двојно поголема добивка пред оданочување од €600.000, во однос на истиот период лани. Вкупната БПП е зголемена за 14% и изнесува €33,7 милиони. На полиси од животно осигурвање, во првото полугодие, полисирана е премија од €25,8 милиони (2016: €22,5 милиони), додека на полиси од неживотно осигурување вкупна БПП е €14,9 милиони, 6% повеќе од лани.

Уника групацијата е присутна во сите земји од поранешна Југославија, со исклучок на Словенија. Во Црна Гора двете компании второто тромесечие иако го завршиле без добивка, е подобрување во однос на лани, кога по првите шест месеци имаа загуба од €100.000. Финансиското работење е подобрено иако вкупната БПП е намалена за 4% на €5,8 милиони. Поголемиот дел, €4,6 милиони, отпаѓа на полиси за неживотно осигурување (-5%), €900.000 се на полиси за животно осигурување (4% раст), а преостанатите €400.000 доаѓаат од полиси за доброволно здраствено осигурување (15% раст).

Подобри финансиски резултати групацијата остварила и во БиХ, каде добивката пред оданочување од €400.000 во првите два квартала од 2016 година е зголемена за €100.000 на крајот од јуни оваа година. Вкупната БПП е намалена за 1%, на €14,9 милиони. Ова е еден од ретките осигурителни пазари каде групацијата има поголема БПП во секторот на живот (€7,9 милиони), споредено со секторот неживот (€7,0 милиони).

Како земја со најразвиен пазар во регионот, со исклучок на Слобенија, и за оваа групација најмногу добивка носи Хрватска. Добивката од €2,6 милиони, иако намалена(2016: €3 милиони) е далеку најголема во регионот. Покрај добивката, и вкупната БПП е поголема од останатите земји во регионот и изнесува €38,3 милиони, од кои €21 милиони (1% раст) отпаѓаат на неживотното осигурување, €12,8 милиони (-27%) на животното осигурување и €4,5 милиони (83% повеќе) на доброволното здраствено осигурување.

Групација на сите 19 пазари остварила БПП (вклучувајќи го и делот на заштеда од unit-link и index-link полисите) од €2,8 милијарди, што е раст од 6,6%. Сите три главни сектора бележат раст на премијата. Неживотното осигурување има раст од 6,4% (€1,44 милијарда), животното 9,1% (€834,4 милиони) и доброволното здраствено 3,4% (€522,5 милиони). Висината на премиите на австрискиот пазар се минимално зголемени на €1,93 милијарди, додека меѓународните се зголемени за 23,2% на 834,4 милиони.

Подобрен е и комбинираниот однос, кој на ниво на групација сега изнесува 96,8%.

Консолидираниот нето профит, на ниво на групација, на крајот од јуни достигнува €41,3 милиони. Преполововувањето на минатогодишниот полугодишен профит Андреас Брандштетер, претседателот на Управата на Уника групацијата, го објаснува со негативнте последици од банкротирањето на една од италијанските подружници кои беа продадени со гаранција за нивно опстојување во одреден период.

„На прав пат сме: премискиот волумен, комбинираниот однос и опсегот на трошоци се развиваат позитивно. Во првата половина од 2017 година остваривме задоволувачка зараотка пред оданочување од €95,5 милиони – 10,2% повеќе во однос на претходната година.“, изјавува Брандштетер.

Потатоците се преземени од seenews. com и извештајот на Уника групацијата.

Трите компании на VIG во Македонија бележат зголемена бруто добивка и намалена премија

VIG преку трите свои компании во Македонија, Осигурување Македонија, Винер и Винер Лајф, во првите шест месеци остварила добивка пред оданочување од €1,5 милиони, што е раст од 16,6%. Добивката е зголемена иако забележан е пад на БПП од 6,4% и изнесува €14,3 милиони (2016: €15,3 милиони). €5,5 милиони отпаѓаат на осигурување од АО, што е раст од 14%, додека каско осигурувањето е намалено за 33,5% на €900.000.

Минимален раст на добивката пред оданочување има и во соседна Србија, каде таа достигнува €1,3 милиони (2016: €1,2 милиони). БПП на овој пазар е зголемена за 21,1% достигнувајќи €54,5 милиони, најмногу по заслуга на огромниот раст од 78,3% на осигурувањето од АО (€4,1 милиони). БПП на полисите за животно осигурување со тековна уплата е зголемена за 6,6% достигнувајќи €12,9 милиони, додека еднократните премии се речиси удвоено на €6,1 милиони (2016: €3,4 милиони). Приватното здраствено осигурување, заедно со патничкото осигурување, исто така бележи раст на премијата од речиси 100% раст достигнувајќи €1,5 милиони, во споредба со ланските €800.000.

Позначаен раст на добивката е остварен на пазарите на Косово и Албанија, каде од ланските €200.000 добивката е зголемена на €1 милион. Во двете држави VIG на пазарот е застапен само со полиси за неживотно осигурување чија БПП е зголемена за 6,4% на €17,8 милиони. Најголем дел од неа доаѓа од полиси за осигурување од АО, €11,4 милиони, речеиси идентично како минатата година. Каско осигурувањето е зголемено за 7,4%, додека доброволното здраствено осигурување е намалено за 2,7% на €1,4 милиони.

Позитивни резултати во земјите од нашето соседство се остварени и во Бугарија, каде минатогодишната добивка пред оданочивање од €3,8 милиони е зголемена за еден милион. Вкупната БПП е зголемена од €75 на €82 милиони благодарение на доброто работење во секторот на осигурување од АО и доброволното здраствено осигурување.

Од земјите од регионот, на просторите од поранешна Југославија, VIG во БиХ првите шест месеци ги завршило со загуба од €200.000. Вкупната БПП од €6,6 милиони на крајот од јуни минатата година е зголемена на €9,0 милиони во првите шест месеци од оваа година. Животното осигурување има раст на премиите и кај полисите со тековна уплата (21,2%, вкупно €700.000) и кај еднократните уплати (€900.000, 2016: €200.000). Неживотното осигурување има пад во премиите на осигурување од АО (1,3%), а раст кај премиите на каско осигурување (5,8%).

Како и претходно, најдобри резултати групацијата во земјите од регионот бележи во Хрватска, каде остварена е добивка пред оданочување од €4,3 милиони. БПП на двете хрватски испостави е зголемена за 2,5% и достигнува €54,3 милиони. Од нив полисите за животно осигурување со тековна уплата придонесуваат со €15,9 милиони(-1,9%), додека тие со еднократна уплата се  €16,4 милиони (-1,8%). Најдолем раст бележат премиите на каско осигурување, 14,3%.

Генерално групацијата оствари БПП од €4,97 милијарди, речиси идентично и како првото полугодие од 2016 година. Растот е ограничен поради големиот пад на полисите за животно осигурување со еднократно уплатена премија во западните земји, за разлика од земјите од ЦИЕ (-24,4%).

Бруто добивката изнесува €220,5 милиони, што е зголемување од 9,6% во однос на истиот период лани. Комбинираниот сооднос на групацијата е подобрен на 96,9% од €97,7%.

Вкупната бруто добивка на групацијата е намалена од €2,26 милијарди на €2,16. Најголема добивка е остварена на домашниот пазар €77,5 милиони и пазарот во Чешка €76,6 милиони.

 

Бугарија: Одобрено спојувањето на Евроинс здраствено осигурување со Евроинс иншуранс груп Ре

Комисијата за финансиски надзор во Бугарија издаде привремена забрана за купувањето на 0,62% акции на Bulstrad Vienna Insurance Group, од страна на TBI Bulgaria. Од Комисијата не дадоа објаснување за ваквата одлука.

На средината од мај TBI Bulgaria понуди €15,9 за секоја од 19.559 акции кои се уште не ги поседува.

Спојувањето на Евроинс здраствено осигурување со Евроинс осигурување груп Ре доби зелено светло од страна на Комисијата. Двете компании се во сопственост на Евроинс иншуранс груп. Евроинс здраствено осигурување на пазарот нуди доброволно здраствено осигурување и според Централниот регистар има капитал во вредност од €3,6 милиона.

Евроинс осигурување груп Ре беше купено од страна на Евроинс иншуранс груп во 2015 година и е регистрирано во Централниот регистер со капитал од €5,7 милиона.

 

Намален нето профитот на Еурохолд и Евроинс за повеќе од 70%

Бугарската осигурителна компанија Евроинс, соопштија дека нето профитот на компанијата за првата половина на 2017 година изнесува само €70.600, споредено со минатогодишниот полугодишен профит од €271.000.

Иако профитот е намален, компанијата во периодот од јануари до јуни оствари приход од премија во висина од €29.5 милиони што е за два милиона повеќе од ланскиот на крајот од јуни.

Оперативниот профит на компанијата достигна €133.000, што е на минатогодишното ниво .

Минатиот месец Евроинс иншуранс груп ја зголеми цената за €0,01 на €0,66 по акција, за откупување на преостанатиот дел од 9,93% од капиталот на Евроинс кој не е во нејзина сопственост.

Мајката фирма на Евроинс, Еурохолд Бугарија, исто така соошти нето профитот за првата половина од 2017 година е опаднат за 77% на €1,99 милиони. Големиот лански полугодишен нето профит се припишува на продажбата на акции вредни €8,18 милиони.

 

Бугарија: Зелено светло за преземањето на јапонската Tokuda од страна на бугатската Saglasie

Бугарската Комисија за финансиски надзор изјави дека е одобрено целосното превземање на Tokuda Health Insurance од страна на Saglasie.  Вкупната зделка треба да изнесува €3 милиони.

Според извештајот на Комисијата јапонскиот осигурувач, кој е во сопственост на јапонската компанија Tokushukai, минатата година на бугарскиот осигурителен пазар остварил БПП од околу €1,5 милиони. Saglasie е осигурителна компанија во сопственост на бугарскиот холдинг Web finance и е активна на пазарот за животно осигурување. Оснивана е во 2006 година и до 2011 година е во сопственост на словенечката KD Group.